تبلیغات 
تبلیغات
"مازنی گب و صحبت هاکنین تا امه زوون فنا نوه"
اتا از مظاهر مسلم تمدنی اما مازندرونی هاماههای سالسه اسم بشتن هسه، پنج روز اول سال ره گننه پتک وبعدازپتک ارکه ماه شروع بونه که معادل فروردین ماه هسه ،درواقه ارکه ماه از شش فرردین شروع بونه،ماه بعد دماه هسه وبعدش وهمن ماه.اولین ماه تابسون نوروز ماه هسه بعدش فردین ماه وبعد کرچه ماه .پائیز باهره ماه شروع بونه وبعد تیر ماه انه وبعدازاوون باتموم بیینه ملارماه پائیز تمام بونه،زمسوون باشروینه ماه شروع بونه وماه بعد میر ماه هسه وماه آخر سال ره هم گننه اونه ماه .راسسی اینان ره شه ببای جا یاد بیتمه اگه جایی نیاز به اصلاح داینه تذکر هادین . خاره شمسه بوم که مه ببا هنوز ساله ماه ره همین جوری اشماینه!یعنی اگه خانه بووه امسال شهریورماه هوا خنکه گنه "امسال کرچه ماه هوا خنکه " ِراسسی چیسه اما نسل جدید اینجوری نوومی؟
امروزاتا چک داشتمه که بعدازنقد هاکردن وسه بورم شه پر حساب بشنم ،دم پل مثل همیشه شلوغ بیه ،همینسه من مجبوربیمه اتوبوس جااستفاده هاکنم.صندلی سوم رو هنیشتمه .مه بقل دس اتا پیر مرد 60،65ساله هنیشت بیه مه جلو هم دتا نوجوون نیشتبینه وشونه رو امو محصل بوئن ،داشتنه شه جاراجع به قیلوون بکشین صحبت کردنه،اتا دتا ایستگاه ره که ردهاکردمی بدیمه مه بقل دس جا صدای اذان انه شه روره که اونورهاکردمه ،بدیمه پیرمردی مبایل زنگ بخرده ،جالبه ونه مبایل زنگ اذان صدابیه!مثه خله غیر منتظره بیه ،پیرمردی که شروع به جواب هدائن هاکرده من شه روبرو ره هارشیمه بدیمه اون دتا نوجوون دره پیرمرد اشنه وخننه کننه! من بوتمه چیسه خننه کننی وه مگه مبایل لازم ناینه ونه جا مگه نتوننه کاردارن !؟وشوون همون جورباخننه جواب هدانه نا ونه مبایل داشتنسه خننه نکمی ونه مبایل زنگسه خننه کمی ،اذان بیته صدای زنگ هاکرده ،وه هم بیه زنگ!...
چندتا از روایات ،حدیثهاو گفته های مه معلمون مره یاد بموکه اذان وقرآن ره پیامبرموقه اینسه باصوت خونسنه که مردم ره جذب اسلام هاکنن ،اصلاً یکی از روشهای جذب به اسلام بینه خله ها صوت زیبا وجذاب قرآن بیه ،شایداین پیرمردی هیچ صدایی ره به اندازه صدای اذان خاروجذاب ولایق ندونسه که به عنوان زنگ مبایل استفاده هاکنه،اصلاًچی به روزامه نوجوونا بمو که به خاطرنوع سلیقه موسیقایی یک آدم وره مسخره کننه ،ازنظر وشوون توسن سیزده ،چهارده سالگی قیلوون بکشین مسخره وزشت نیه ولی صدای اذان ره زنگ مبایل هاکردن به اعتقادوشوون خننه دار هسه !
من اتا مازنیه آملی هسمه که خامه اتاوبلاگ با زوون مازنی بنویسم.اعتقاددارمه اگه عما مازنی خخ مازنی حرف نزنیم این زوون خله زوودفنابونه،اگه اتا کمه دقت هاکنیم ویمی که پروماروونه مازنی دره شه وچون جا فارسی گپ وصحبت کننه،وله شه خد به خده جا مازنی حرف زننه وچون مازنی حرف نزننه،فقط فهمننه ،درک مطلب کننه،اگه همین جورادامه پییدا هاکنه تاچند سال دیگه هیچکس مازنی حرف نزنه و زوون مازنی ازبین شونه .من قصددارمه برای اولین کش ایران دله اینتا وبلاگه با هدف حفظ زوون مازنی ،مازنی بنویسم،امیدوارمه شما هم این کار ره هاکنین.
شمه خنابدوون
